HH

Aurten Xango oporrik gabe gelditu denez, gurekin bidaiatzea nahi izan du. Bost urteko geletan sei proposamen eskaini diogu. Txinara, Port Aventurara, Mexikora, New Yorkera, ...

Haur Hezkuntzako lorategiak behin baino gehiagotan izan ditu biztanle berezi eta kuttunak eta aurten ere lortu dugu oilaloka dotore bezain zintzoa.
Gure algarek aztoratu eta txitatzeari utziko ote zion beldur ginen, baina ez da horrelakorik gertatu eta ekainaren bost aldera arrautzak kraskatzen hasiko dira eta gu hor ibiliko gara prozesu guztia behatzen.

Haur Hezkuntzako 5 urteko mailan ""GORPUTZA" gaia landu dugu azken hilabetean eta benetan diogu gustura aritu garela, asko ikasi dugula eta zuek ikusteko moduko zerbait ere sortu dugula. Hasteko gure gurasoek sekulako lana egin dute gu jaio ginen eguneko gora beherak kontatzen ETA GEHIENAK EUSKARAZ GAINERA!!! benetan TXAPELDUNAK izan direla esan dute andereñoek. Guk ere, dagoeneko, gauza asko dakigu gure gorputzari buruz. Andereñoak ere lagundu digu informazio gehiago bilatzen .... eta honekin guztiarekin lan handia egin dugu: informazioa bilatzen, partekatzen, eztabaidatzen, ... Orain pasabide eta eskailerak dotore-dotore jarri ditugu guk egindako lanekin eta sartzen diren guztiak begira-begira gelditzen dira (uste dugu txundituta gelditzen direlako dela)