Giro ezin hobean igaro da gaurkoan Korrika Laudiotik. Laudio Ikastolaren kilometroan 1971 urtean bertoko lehen promozioa osatu zuten ikasleen gurasoek hartu dute lekukoa Ikastolaren proiektua abiatu zuten guztien izenean: Enkarna Arbaizagoitia, Gregori Cuesta, Txelo De la Fuente, Maribel Gonzalez, Pablo Gorostiaga, Juanis Izagirre eta Satur Perez de Mendiguren. Izan zirelako gara eta garelako izango dira!