ERKIDE
Laudio Ikastola, irakaskuntza arloko beste kooperatibekin batera, ERKIDEren bazkidea da.
Zer da Erkide?
Eraketa
2006ko abenduaren 12an Euskadiko Lan Elkarteen, Irakaskuntza eta Kreditu Kooperatiben Federazioa - ERKIDE, eratu zen Gasteizen, kooperatibei buruzko ekainaren 24 ko 4/1.993 Legeak xedatutakoaren arabera, eta Eusko Legebiltzarraren onespenarekin.
Helburuak
Euskadiko Lan Elkarteen, Irakaskuntza eta Kreditu Kooperatiben Federazioa - ERKIDE helburuen artean honako hauek azpimarra ditzakegu:
- Lan Elkartuko Kooperatiben sektoreko erakunde ordezkaritza izatea
- Lan Elkartuko kooperatiba-mugimenduaren defentsa eta sustapena.
- Informazio eta aholkularitza teknikoa.
- Bazkide, zuzendari eta teknikoak prestatzea.
- Enpresarako elkar-lankidetza sustatzea.
- Kooperatiba berriak sustatzea.
- Elkartutako koooperatibei zerbitzuak eskaintzea.
IRAKASKUNTZA ARLOKO TALDEA
Irakaskuntzako Kooperatiben Taldea kooperatiba-titularitateko ikastetxeak ordezkatzen dituen erakundea da Euskadin, eta 2007ko martxoaren 7an sortu zen legez, nahiz eta aurrez ere bazuen ibilbide bat egina; gaur egun Irakaskuntzako 80 Kooperatiba daude bertan, eta horietan 64.515 ikasle, 4.854 irakasle, 1.129 irakasle ez direnak eta 5.983 lanpostu.
Helburuak
Elkartearen helburuen artean honako hauek daude:
- Irakaskuntzako Kooperatiben interesen adierazpide izatea.
- Irakaskuntzako Kooperatibetan parte hartzea bultzatzea, bai bere gai espezifikoetan, baita ERKIDEren gai orokorretan ere.
- ERKIDEren politika orokorraren diseinuan eta garapenean laguntzea.
- Irakaskuntzako Kooperatiben garapena sustatzea.
- Irakaskuntzako Kooperatiben ordezkaritza antolatzea ERKIDEren Kontseilu Errektorean.